Assalamualaikum warahmatullahi
wabarakatuh
Ingkang kula hormati, Rektor IAIN
Pekalongan, Bapak Dr. H. Ade Dedi Rohayana, M.Ag.
Ingkang kula hormati, Dekan Fakultas
Tarbiyah lan Ilmu Keguruan, Bapak Dr. H. M. Sugeng Sholehudin, M.Ag.
Ingkang kula hormati, segenap dewan
juri lan segenap panitia ingkang ngraos bingah ngawontenaken adicara Festival
Pendidikan.
Ingkang kula hormati ugi sedanten
rencang-rencang mahasiswa-mahasiswi Tarbiyah lan Ilmu Keguruan ingkang sampun
berbondong-bondong ngramekaken ing adicara menika.
Syukur
alhamdulillah, sumangga kita panjataken dhumateng Allah swt. ingkang sampun
paring kinten-kinten kenikmatan, sahinggo kita sedanten saged kempal wonten ing
mriki, kanthi mboten enten setunggal alangan punapa.
Kaping
kalihipun, sholawat saha salam senantioso kita aturaken dhumateng junjungan
kita Nabi Muhammad saw. kanhti waosan “Allahumma sholli ‘ala sayyidina
Muhammad” Mugiyo kita sedanten saged angsal syafaatipun saking beliau amin,
amin ya robbal ‘alamin.
Rencang-rencang
sedanten ingkang kula tresnani, menawi kita pirsani ing jaman sak niki, inggih
punika pendidikan sampun mlebet ten jaman modern. Pendidikan jaman modern punika sampun nyediakaken sedanten sarana lan
prasarana ingkang menunjang kangge pendidikan, lan sampun maringi kinten-kinten
kegampilan kangge kita wonten ing pendidikan. Diantawisipun kita sampun gampil
anggenipun pangkat kuliah keranten kendaraan ing jaman modern sampun katah,
kita sampun gampil anggenipun nyekapi sandang lan papan panggenan, kita ugi
sampun gampil anggenipun ndamel tugas keranten ing jaman punika teknologi
sampun maju.
Rencang-rencang
sedanten ingkang taksih mirengaken kula, minangka kita pirsani ing jaman riyen,
tiyang sepah kita anggenipun kepengin golek elmu menika kedah ngraosaken kasusahan.
Menawi badhe tindak menyang sekolah mawon, tiyang riyen menika kedah mlampah
pirang-pirang kilo kanthi mboten mbekto arta utawi bekel punapa-punapa. Ananging
tiyang riyen menika mboten ngraos putus asa, tiyang riyen tetep semanget
anggenipun belajar, lan sampun mbuktikaken katah tiyang riyen ingkang sampun
kasil. Rencang-rencang ingkang ngraos bingah, maksud kula cariyos mekaten niki
kita kedah dadosaken cermin maring awak kita piyambak supados kita saged
introspeksi lan mawas diri. Kinten-kinten kita sampun dados tiyang kados tiyang
riyen nopo dereng?
Mila saking punika, sumangga kita ingkang
dados mahasiswa ing jaman sak niki kedah ngraosaken syukur dhumateng Allah
swt., kita kedah dados tiyang ingkang saged mbingahaken maring tiyang sepah
kita, lan kita kedah saged dados tiyang ingkang turut mbantu dhateng
pembangunan negari kita, inggih menika Indonesia.
Lajeng, kados pundi caranipun kita
ngrasosaken raos syukur punika? inggih menika kita kedah estu yekti anggenipun
belajar, yekti belajar punika kanthi saged ndamel kreasi lan inovasi ingkang
bernilai lan maringi manfaat dhateng tiyang lintu. Kita menawi dados mahasiswa ugi
ampun ngantos dados tiyang ingkang males-malesan. Menawi kula pirsani wonten
ing kelas, taksih katah sanget mahasiswa ingkang dereng saged yekti anggenipun
belajar, taksih katah mahasiswa ingkang males-malesan, sak estu kula kepengin
sanget ngajak maring rencang-rencang sedanten. Ananging keranten kekirangan
kula, kula mboten saged tumindak punapa-punapa. Mila saking punika, kula ngaturaken
matur nuwun sanget dhumateng Dema FTIK, ingkang sampun maringi kesempatan
kangge kula jumeneng ten mriki. Kanthi kesempatan niki, kula ngajak dumateng
awak kula piyambak lan rencang-rencang sedanten, khususipun mahasiswa FTIK,
sumangga kita sareng-sareng anggenipun semanget belajar, ampun dados tiyang
ingkang males-malesan, sahingga kita sedanten saged dados tiyang ingkang saged maringi
manfaat, saged mbingahaken tiyang sepah kita, guru-guru kita, saged ndadosaken
kemajuan maring Indonesia lan saged dados tiyang ingkang angsal ridho saking
Allah swt. lan Rosulullah saw., amin, amin ya robbal ‘alamin.
Mekaten ingkang saged kula aturaken,
kirang langkungipun kula nyuwun pangapunten.
Wabillahi taufiq wal hidayah,
Wassalamualaikum warahmatullahi
wabarakutuh.
Tidak ada komentar:
Posting Komentar